⚡️Shomanay rayonında “Kúydirgi” kesseligine qarsı gúresiw boyınsha arnawlı taktikalıq oqıw shınıǵıwı ótkerildi.

Ilaj Qaraqalpaqstan Respublikası Veterinariya hám sharwashılıqtı rawajlandırıw komiteti hámde tiyisli mámleketlik uyımlar menen birgelikte shólkemlestirildi. Onda veterinariya xızmeti qánigeleri, ayrıqsha jaǵdaylar hám sanitariyalıq-epidemiologiyalıq xızmet wákilleri qatnastı.

Oqıw shınıǵıwı dawamında kesellik anıqlanǵan jaǵdayda operativ ilajlardı shólkemlestiriw, aymaqtı karantinge jabıw, infekciya tarqalıwınıń aldın alıw hám dezinfekciya jumısların ámelge asırıw boyınsha ámeliy kónlikpeler sınaqtan ótkerildi.

Sonday-aq, qatnasıwshılar arasında óz-ara birge islesiwdi bekkemlew, jedel málimleme almasıwı hám muwapıqlastırılǵan háreketlerdi támiyinlew máselelerine ayrıqsha itibar qaratıldı.
Bul oqıw shınıǵıwı xızmetlerdiń ayrıqsha jaǵdaylarǵa tayarlıǵın arttırıw hám qáwipli juqpalı keselliklerdiń aldın alıwda ayrıqsha orın tutadı.