Respublikalıq jumısshı topar tárepinen aymaqlarda alıp barılǵan jumıslardı tallaw hám gúzgi epizootiyalıq ilajlardıń nátiyjeli shólkemlestiriliwi boyınsha úyreniw jumısları ámelge asırıldı.

Bul úyreniwler sheńberinde orınlardaǵı veterinariya hám sharwashılıq tarawındaǵı házirgi jaǵday, epizootik turaqlılıq, keselliklerdiń aldın alıw, profilaktika hám shanshıw ilajlarınıń orınlanıw dárejesi tereń tallandı. Sonday-aq, alıp barılıp atırǵan jumıslardıń sapası, materiallıq-texnikalıq bazası, xızmetkerlerdiń tayarlıq dárejesi hám xalıqqa kórsetilip atırǵan xızmetlerdiń kólemi hár tárepleme úyrenildi.

Úyreniwler nátiyjesinde anıqlanǵan kemshilikler hám bar mashqalalar boyınsha tiyisli usınıslar berilip, olardı saplastırıw boyınsha ámeliy ilajlar belgilendi. Ásirese, gúzgi máwsimde júzege keliwi múmkin bolǵan epizootiyalıq qáwiplerdiń aldın alıw, sharwa malların juqpalı keselliklerden qorǵaw hám óz waqtında shanshıw ilajların sistemalı shólkemlestiriwge ayrıqsha itibar qaratıldı.