Diyqan bazarlarında alıp barılıp atırǵan jumıslar boyınsha baspa sóz konferenciyası bolıp ótti.

Búgingi kúnde xalqımızdı sapalı azıq-awqat ónimleri menen támiyinlew eń áhmiyetli máselelerdiń biri bolıp tabıladı.

Qaraqalpaqstan Respublikası Veterinariya hám sharwashılıqtı rawajlandırıw komiteti hám Qaraqalpaqstan Respublikası Ishki Isler Ministrligi Jámiyetlik qáwipsizlik departamentı  Jámiyet tártibin saqlaw xızmeti  Karantin ilajların támiyinlew toparı xızmetkerleri menen birgelikte Elimizde Azıq-awqat qawipsizligin támiyinlew hám xalıqqa joqarı sapalı gósh hám sút ónimlerin jetkerip beriw maqsetinde respublikamızdıń barlıq qala-rayonlarındaǵı diyxan bazarları hámde basqa sawda obektlerinde satılıp atırǵan gósh hám gósh ónimleri hám azıq-awqat ónimleriniń veterinariya-sanitariya qaǵıydalarına ámel etken halda satılıwı boyınsha túraqlı túrde qadaǵalaw jumısları alıp barılmaqta.

Usı jıldıń 20-21-may kúnleri Ózbekstan Respublikası Ishki Isler Ministrligi Jámiyetlik qáwipsizlik departamentı Jámiyet tártibin saqlaw xızmeti Karantin ilajların támiyinlew toparı xızmetkerleri hám Ózbekstan Respublikası Veterinariya ham sharwashılıqtı rawajlandırıw komiteti tárepinen dúzilgen isshi topar Respublikamızdaǵı diyqan bazarlarında, azıq-awqat ónimlerin satıw orınlarında, veterinariya, veterinariya-sanitariya qaǵıydalarına ámel etiliwi, bazarlarda alıp barılıp atırǵan jumıslar boyınsha úyreniwler alıp bardı hám baspa sóz konferenciyası bolıp ótti.

Ótkerilip atırǵan qadaǵalaw ilajları dawamında tutınıwǵa jaramsız bolǵan azıq-awqat ónimleri bazar orınlarınan alıp taslaw ilajları kórilip, bul boyınsha satıwshılar menen turaqlı túrde profilaktikalıq túsindiriw jumısları alıp barılmaqta.