Ózbekstan Respublikası Prezidentiniń PQ-285-sanlı qararı orınlanıwı boyınsha Ámiwdárya rayonında seminar ótkerildi.

Ózbekstan Respublikası Prezidentiniń 2023-jıl 24-avgusttaǵı “Sharwashılıqta identifikaciyalaw sisteması hám násilshilik tarawın jetilistiriwge baylanıslı qosımsha ilajlar haqqında”ǵı PQ-285-sanlı qararınıń orınlanıwın nátiyjeli shólkemlestiriw maqsetinde, Ámiwdárya rayonındaǵı “Qıpshaq” awıl puqaralar jıyını aymaǵında jaylasqan “Atajanov Qadam” sharwa fermer xojalıǵı hám “Maxmud Mansur Muzaffar” juwapkershiligi sheklengen jámiyetinde identifikaciyalaw boyınsha seminar ótkerildi.

Seminarda Ózbekstan Respublikası Veterinariya hám sharwashılıqtı rawajlandırıw komiteti identifikaciya orayı bólim baslıǵı O.Bolkiev, Qaraqalpaqstan Respublikası Veterinariya hám sharwashılıqtı rawajlandırıw komiteti baslıǵınıń orınbasarı B.Qurbaniyazov hám jergilikli fermerler, sharwashılıq tarawına baylanıslı qánigeler qatnastı.

Seminarda sharwashılıqta identifikaciya sistemasın engiziwdiń áhmiyeti, onıń paydaları, ámeliyatqa engiziw processler haqqında tolıq maǵlıwmat berildi.