Qońırat rayonında arnawlı-taktik oqıw shınıǵıwı ótkerildi.

Qaraqalpaqstan Respublikası Veterinariya hám sharwashılıqtı rawajlandırıw komitetiniń 2025-jıl 17-yanvardaǵı 19-sanlı buyrıǵına muwapıq, “Qaraqalpaqstan Respublikasında epizootik turaqlılıqtı támiyinlew hám ótkizilip atırǵan profilaktik is-ilájlardıń sapasın asırıw maqsetinde Is-ilájlar baǵdarlaması”na tiykar “ Áhmiyetli 90 kúnlik ” járiyalanıp keń kólemli jumıslar alıp barılmaqta.

Atap aytqanda Qońırat rayonı Veterinariya hám sharwashılıqtı rawajlandırıw bólimi tárepinen  “ qutırıw ” keselliginiń kelip shıǵıwı hám tarqalıwınıń aldın alıw boyınsha kórgizbeli arnawlı-taktikalıq oqıw shınıǵıwı ótkerildi.

Oqıw shınıǵıwda, Qońırat rayonı Veterinariya hám sharwashılıqtı rawajlandırıw bólimi, Ayrıqsha jaǵdaylar bólimi, Medicina birlespesi, Abadanlastırıw, Sanitariya epidemiologiya tınıshlıq hám jámiyet salamatlıǵı bólimleri tárepinen kesellik anıqlanǵan jaǵdayda, zárúr epidemiyaǵa qarsı ilájlardı shólkemlestiriw boyınsha basqarıw uyımlarınıń kúsh hám qurallarınıń óz-ara birgelikte islesiwin hámde keselliktiń aldın alıw ilájları ámelde  kórsetip berildi.

Arnawlı-taktikalıq oqıw shınıǵıwdı ótkeriwden maqset, elimizde epidemik hám epizootik jaǵdaylardıń turaqlılıǵın támiyinlew, qutırıw keselligi menen baylanıslı júz beriwi múmkin bolǵan ayrıqsha jaǵdaylardıń aldın alıw bolıp tabıladı.     

Qaraqalpaqstan Respublikası Veterinariya hám sharwashılıqtı rawajlandırıw komiteti  Málimleme xızmeti.