Elimizde azıq-awqat qáwipsizligin támiyinlew hám xalliqqa sapalı azıq-awqat ónimlerdi jetkerip beriw maqsetinde tiyisli qanigeler tarepinen seminarlar shólkemlestildi.

Atap aytqanda Xojeli hám Qanlıkól rayonlarında Qaraqalpaqstan Respublikası haywanlar kesellikleri diagnostikası hám azıq-awqat ónimleri qáwipsizligi mámleketlik orayı direktorı I.Orazbaev basshılıǵında qala hám rayonlıq veteriynariya sanitariya ekspertiza laboratoriyası basshıları, vet-vrachlar tiyisli qánigeler qatnasıwında seminar ótkerildi.

Bundaǵı tiykarǵı maqset xalqımızdı kúndelikli sapalı azıq-awqat ónimleri menen támiyinlew menen birge qala hám rayonlardıǹ diyqan bazarlarında satılıw ushın alıp kelingen barlıq túrdegi awıl xojalıǵı hám sharwashılıq ónimlerin belgilengen tártipte tekseriwden ótkerilip, qarıydarlarǵa óz waqtında jetkerilip beriw kózde tutılǵan.

Qaraqalpaqstan Respublikası veterinariya hám sharwashılıqtı rawajlandırıw komiteti baspasóz xızmeti

Kanalǵa aǵza bolıǹ