Tawıqlardaǵı kolibakterioz keselliginiń klinikalıq belgileri

 Tawıqlarda kolibakterioz keselligi joqarı dem alıw jollarıniń klinikalıq belgilerine uqsaǵan kemshilikler menen kórinetuǵın bolmaydı. Keselliktiń inkubacion dáwiri 1-10 kundi quraydı. Onıń múddeti tawıq organizminiń rezicentligine, qozǵawtıwshılar menen juǵıw túrine, muǵdarına, virulentligine baylanıslı boladı.

 Tawıqlarda kolibakterioz keselliginiń eń xarakterli klinikalıq belgilerinen olardıń ulıwma nárenjanlıǵı, háreketsheńliginiń páseyiwi, sırtqı ortalıqqa tásirsheńliginiń tómenlewi, uyqıshıl bolıwı, ıshteydiń tómenlewi hám tez-tez shóllewi sıyaqlılar menen kórinetuǵın boladı.

 Keyin ish ótiwi hám dene temperaturası 1-1, 5 o S.ga normadan asıp, keselliktiń respirator kórinisinde kózinen jas aǵıwı, qıyın dem alıw belgileri ayqın kórinetuǵın boladı.

 Kesellik awır keshkeninde birinshi keselliktiń klinikalıq belgileri payda bolǵanınan keyin 2-3 kún ótkennen shójeler arasında ólim payda boladı. Keyin muskullardıń qaltırawı, parezler hám láńler payda boladı. Bulardan tısqarı moyınnıń qıysayıwı hám bastı arqaǵa taslaw sıyaqlı belgiler payda boladı.

 Jas tawıqlardıń 80 kúnnen úlkenlerinde kesellik klinikalıq belgileri azayıp, ulıwma nárenjanlıq, silekey perdelerdiń qansızlanıwı, ish ketiw, arıqlaw, kóz astında sinusitler hám nerv sistemasınıń buzılıwı sıyaqlı belgiler payda boladı. Keselliktiń 7-10- kúnleri tap 70% I nabıt boladı. Tawıqlardıń 150 kúnnen úlkenleri arasında kolibakterioz ótkir hám sozılmalı túrde ótedi. Olardıń máyek tuwıwı azayadı yamasa ulıwma toqtaydı, sonıń menen birge ovarit, salpingit hám sarı peritonit payda bolıwı menen kórinetuǵın boladı.