Qaraqalpaqstan Respublikasın Veterinariya hám sharwashılıqtı rawajlandırıw komiteti xızmetkerleri tárepinen xalıqtıń salamatlıǵın hám sharwa mallarınıń qáwipsizligin támiyinlew maqsetinde keń kólemli epizootiyalıq ilajlar izbe-iz ámelge asırılmaqta.

Ilajlar sheńberinde sharwa mallarında tarqalıwı múmkin bolǵan qáwipli juqpalı keselliklerdiń aldın alıw, olardı erte anıqlaw hám operativ ilajlar kóriw jumıslarına ayrıqsha itibar qaratılmaqta. Arnawlı jumısshı toparlar tárepinen túrli aymaqlarda profilaktikalıq shanshıw, tekseriw hám dezinfekciya, dezinsekciya jumısları alıp barılmaqta.  Rayonlardaǵı veterinariya hám sharwashılıqtı rawajlandırıw bólimi qánigeleri tárepinen úylerde saqlanıp atırǵan sharwa malları “Otjara”, “Nodulyar dermatit”, “Awsıl” keselligine, úy haywanları “qutırıw” keselligine qarsı vakcinalar menen profilaktikalıq shanshılmaqta. Sonıń menen birge, xalıq arasında túsindiriw hám profilaktika jumısları jolǵa qoyılıp, sharwa malların durıs saqlaw, kesellikler tarqalıwına jol qoymaw boyınsha usınıslar berilmekte. Komitet tárepinen alıp barılıp atırǵan bunday kompleksli ilajlar tek ǵana sharwashılıqtı turaqlı rawajlandırıwda emes, al xalıqtıń salamatlıǵın qorǵawda da úlken áhmiyetke iye.