Qoraqalpog’istonga “Bayad” naslli qo’ylar olib kelindi
O’zbekiston Respublikasi Prezidentining 2025 yil 17 iyuldagi PQ–225-sonli qarori ijrosida Qoraqalpog’istonga Mo’g’ulistondan jami 2 640 bosh naslli “Bayad” qo’ylar olib kelindi.
Ushbu qo’ylarning 1000 boshi uchun 2,4 mlrd so’m, 247 boshi uchun 592,8 mln so’m imtiyozli bank krediti ajratildi.
Olib kelingan qo’ylar yuqori mahsuldorligi va mahalliy iqlimga moslashuvchanligi bilan ajralib, chorvachilikni rivojlantirish va mahsulot sifatini oshirishga xizmat qiladi.
PQ–225-sonli qarorga muvofiq, 2025 yil 1 avgustdan 2027 yil 31 dekabrgacha fermer xo’jaliklari va qishloq xo’jaligi korxonalariga yillik 10% stavkada (shu jumladan 3% bank marjasi), 5 yil muddatga va 2 yillik imtiyozli davr bilan kredit mablag’lari ajratiladi.
Электрон почта
Телефон:
