Qaraqalpaqstan Respublikası Veterinariya hám sharwashılıqtı rawajlandırıw komitetinde taraw xızmetkerlerine Ózbekstan Respublikası veterinariya pidayısı, sharwa pidayısı kókirek belgilerin tapsırıw ilajı bolıp ótti.

Ilajda komitet baslıǵı M.Kaypanov hámde veterinariya tarawı qánigeleri hám miymanlar qatnastı.
Ilajda M.Kaypanov veterinariya hám sharwa xızmetkerleriniń nátiyjeli jumısı hám olardıń mamanlıǵın arttırıw ushın húkimetimiz tárepinen hár tárepleme járdem kórsetiletuǵının bildirdi.

Veterinariya pidayısı hám sharwa pidayısı kókirek belgisin alǵan xızmetkerler, óz gezeginde, bul sıylıqtı ózleri ushın úlken maqtanısh dep esaplaytuǵının hám óz jumısların jáne de nátiyjeli alıp barıwǵa umtılatuǵının atap ótti. Olar, sonday-aq, tarawdıń rawajlanıwı ushın zárúr barlıq ilajlardı kóriwdi dawam ettiriwge hám jańa maqsetlerge erisiwge tayar ekenin bildirdi.

“Ózbekstan Respublikası veterinariya pidayısı” kókirek belgisi menen sıylıqlanǵan xızmetkerler.

📌Vaysova Sayda – Shomanay rayonı veterinariya hám sharwashılıqtı rawajlandırıw bólimi baslıǵı.
📌Jupxodjaev Amangeldi- Beruniy rayonı veterinariya hám sharwashılıqtı rawajlandırıw bólimi qánigesi.

“Ózbekstan Respublikası sharwa pidayısı” kókirek belgisi menen sıylıqlanǵan xızmetkerler.

📌Yaxshimuratov Azat – Ellikqala rayonı veterinariya hám sharwashılıqtı rawajlandırıw bólimi qánigesi.
📌 Janakulov Turganbay – Taxtakópir rayonı Qarakólshilik ilimiy násilshilik tájiriybe stanciyasınıń bas shopanı.
📌 Serkaziev Nurxat- Qaraózek rayonı “Nurtilek Qaraózek” fermer xojalıǵınıń shopanı.
📌 Utarbaev Elubay- Taxtakópir rayonı “Blan jaylaw” fermer xojalıǵınıń shopanı.