Qırım-Kongo gemorragik ıssıtpa keselliginiń tarqalıwınıń aldın alıw, puqaralardıń salamatlıǵın qorǵaw maqsetinde aymaqlardaǵı sharwa malları hám olardı saqlaytuǵın orınlarda veterinariya hám sharwashılıqtı rawajlandırıw bólimi xızmetkerleri tárepinen dezinsekciya jumısları alıp barılmaqta.

Virus tarqatıwshı kene tárepinen payda bolatuǵın Qırım-Kongo keselligi insan ómiri ushın úlken qáwip tuwdıradı hám awır aqıbetlerge alıp keliwi múmkin.

Usı múnásibet penen qánigeler tárepinen keselliktiń kelip shıǵıwı hám onıń tarqalıw qáwpin azaytıw maqsetinde Taxtakópir rayonınıń alıs aymaqlarında sharwashılıq penen shuǵıllanıp atırǵan sharwa fermer xojalıqlarda arnawlı texnikalar járdeminde kompleksli dezinsekciya ilajları ámelge asırılmaqta.

Bunnan tısqarı, veterinariya qánigeleri tárepinen fermerler hám úy haywanlarınıń iyelerine úgit-násiyat jumısları alıp barılmaqda.