Azıq-awqat ónimleriniń sapası qatań qadaǵalawda

Qaraqalpaqstan Respublikası Veterinariya hám sharwashılıqtı rawajlandırıw komiteti qánigeleri tárepinen xalıqtı  sapalı azıq-awqat ónimleri menen támiyinlew maqsetinde diyqan bazarlarında qadaǵalaw jumısları alıp barılmaqta. 

Atap aytqanda, Beruniy  rayonı diyqan bazarlarındaǵı miywe, palız, sút hám gósh ónimleriniń sapasın qadaǵalaw jumısları alıp barılmaqta. Sonıń menen birge, azıq-awqat ónimleriniń sapası hám qáwipsizligin támiyinlew boyınsha sawda islewshi puqaralar arasında úgit-násiyatlaw jumısları alıp barılmaqta. Komitet tárepinen alıp barılıp atırǵan bunday jumıslar, elimizde azıq-awqat ónimleri qáwipsizligin támiyinlewge qaratılǵanlıǵı menen  áhmiyetli.

Qaraqalpaqstan Respublikası Veterinariya hám sharwashılıqtı rawajlandırıw komiteti  Málimleme xızmeti.