Қутырыў кеселлигиниң келип шығыўы ҳәм оның алдын алыў иләжлары бойынша үгит нәсиятлаў жумыслары алып барылмақта.

Қарақалпақстан Республикасы Ветеринария ҳәм шарўашылықты раўажландырыў комитетиниң 2023-жыл 18-январьдағы 10-санлы буйрығына муўапық, “ Қарақалпақстан Республикасында эпизоотик турақлылықты тәмийинлеў ҳәм өткизилип атырған профилактик ис-иләжлардың сапасын асырыўға қаратылған Ис-иләжлар бағдарламасы”на тийкар “ Әҳмийетли 90 күнлик ” жәрияланып иләж даўамында бирканша жумыслар алып барылмақта.

Атап айтқанда, Нөкис қаласы Ветеринария ҳәм шарўашылықты раўажландырыў бөлими  тәрепинен “Шымбай гүзары” МПЖ аймағында жайласқан 32-санлы улыўма билим бериў мектебинде ҳәм 58-санлы мектепке шекемги билимлендириў шөлкеминде қутырыў кеселлигиниң келип шығыўы, оның алдын алыў иләжлары бойынша үгит нәсиятлаў жумыслары алып барылды.

Қарақалпақстан Республикасы Ветеринария ҳәм шарўашылықты раўажландырыў комитети мәлимлеме хызмети.