Sıyırlardı jasalma tuqımlandırıwda  paydalanatuǵın úskene jaratıldı

 Qaraqalpaqstan Respublikası “Sharwanásil” orayınıń Xójeli rayonı bólimi jetekshi qánigesi Tájimuratov Dástanbek Dawletbaev tárepinen sıyırlardı jasalma tuqımlandırıwda  paydalanatuǵın úskenesi haqqında:

1. Tájimuratov basshılıq etip atırǵan Qaraqalpaqstan Respublikası “Sharwanásil” orayınıń Xójeli rayonı wákilligi jetekshi qánigesi retinde 2021- jılı Tashkent qalasında ótkerilgen “Start Up”  joybarında “Násilli hám jergilikli iri shaqlı qara mallardı jasalma tuqımlandırıw úskenesin islep shıǵarıw” baǵdarı boyınsha qatnasıp Ózbekstan Respublikası Innovaciyanı rawajlandırıw ministrligi tárepinen ajıratılǵan 303 mln. swm grand jeńimpazı bolǵan edi.

 Utıp alınǵan alınǵan grand aqshası esabınan  jılına 2300 dana jasalma tuqımlandırıw  úskenesin islep shıǵarıwǵa arnalǵan Xójeli rayonı “Dástan sharwa Xojeli” juwapkerligi sheklengen jámiyetin ashıp, nátiyjede  turaqlı tórt jumıs ornın ajratadı.

   Jaratılǵan “Jasalma tuqımlandırıw  úskenesi”  2022-jıl 8-aprel kúni Ózbekstan Respublikası Ádillik Ministrligi janındaǵı intelektual múlk agentliginiń sanaat úlgileri bólimi tárepinen SAP 2021 0242 sanlı sanaat úlgisine patent beriw haqqındaǵı qararı qabıllandı.

1. Tájimuratov «O’znaslchilik» mámleket kárxanası menen shártnama dúzip, 100 dana jasalma tuqımlandırıw úskenesin jetkezip berdi. Házirgi kúnde Qaraqalpaqstan Respublikası “Sharwanásil” orayınıń barlıq rayon wákilligine shártnama tiykarında jasalma tuqımlandırıw úskenesi basqıshpa -basqısh islep shıǵılıp jetkezip berilip atır.

   Jergilikli hám násilli iri shaqlı qaramallarǵa jasalma tuqımlandırıw úskenesinen paydalanılǵanda:

 kadrlardı tayarlaw ushın kem waqıt talap etiledi;

   xalıqqa qolaylıq jaratıladı ;

   jınıslıq organlardıń jaǵdayın qosımsha baqlaw múmkinshiligi jaratıladı ;

   jasalma tuqımlandırıw nátiyjeliligi asadı ;

   rektumdi palpaciya qılıw talap etilmeydi hám ózine tán kónlikpelersiz orınlaw imkaniyatın beredi.

   Jasalma tuqımlandırıw úskenesi menen islew ushın:

1. Apparattıń aldınǵı panelindegi kameradan paydalanıp, biz jatır moynın tabamız.

 Súwret real waqıt rejiminde texnikalıq-oseminatordıń telefonında kórsetiledi.

2. Eger tuqımlandırıwǵa qarsı jaǵdaylar bolmasa, biz apparattı serviks regionına ornatamız.
3. Jasalma tuqımlandırıw apparatı qáwipsiz jaǵdayǵa keltirilgennen keyin, texnikalıq-oseminator ańsatǵana hám qosımsha qadaǵalawsız tuqımdı sıyır jatırına jiberiwi múmkin.