Qaraqalpaqstanda «Otjara» keselligine qarsı gúresiw boyınsha  ilaj ótkerildi

 Veterinariya hám sharwashılıqtı rawajlandırıw bólimi xızmetkerleri hám birge islesiwshi shólkemler menen birgelikte haywanlar kesellikleriniń aldın alıwǵa qaratılǵan epizootik ilajlar dawam etpekte.

 Atap aytatuǵın bolsaq, Qaraqalpaqstan Respublikasınıń Ellikqala rayonı «Polatbek-Xamidullo» fermer xojalıǵında “otjara” keselliginiǹ aldın alıw, kesellik anıqlanǵanda  kórsetiletuǵın veterinariyalıq xızmet hám onı saplastırıwǵa arnalǵan ámeliy-seminar bolıp ótti. Onda veterinariya tarawı xızmetkerleri menen birgelikte Ayrıqsha jaǵdaylar basqarması, IIB, sanitariya -epidemiologik  orayı hám de rayon medicina birlespeleri xızmetkerleri de belsene qatnastı.

 Ilajda haywanlar kesellikleri, atap aytqanda otjara keselligine qarsı gúresiw boyınsha alıpbarılıp atırǵan  jumıslar hám onıǹ aldın alıwǵa qaratılǵan profilaktikalıq ilajlar hár tárepleme dodalandı.

 Sonday-aq, birge islesiwshi shólkem qánigeleri tárepinen kesellikke qarsı gúresiw boyınsha ámeliy shınıǵıwlar alıp barıldı.

Qaraqalpaqstan Respublikası veterinariya hám sharwashılıqtı rawajlandırıw komiteti Málimleme xızmeti