Balıqshılıq tarawı rawajlanıwında paydalı birge islesiw

AQSh Xalıqaralıq rawajlanıw agentligi (USAID) dıń agrobiznesti rawajlandırıw joybarı tárepinen Balıqshılıq  ilimiy orayı, “Ózbekbalıqsanaat” shólkemi hám de Qaraqalpaqstan awıl xojalıǵı hám agrotexnologiyalar institutı menen birgelikte “Balıqshılıq tiykarları – joybarların rejelestiriw hám ámeliyatta  en jaydırıw” temasında trening ótkerildi.

 Mámleketimiz basshısınıń 2022-jıl 13-yanvardaǵı “Balıqshılıq tarmaǵın jáne de rawajlandırıwdıń qosımsha ilajları tuwrısında”ǵı qararında  balıqshılıq tarawın  qollap-quwatlaw, balıqshılıq hám balıq awlawshı xojalıqlardıń iskerligi natiyjeliligin asırıw, tarawǵa jer hám suw resurslarınan aqılǵa say hám nátiyjeli paydalanǵan halda intensiv texnologiyalardı keń engiziw boyınsha balıqshılıq joybarlardı qáliplestiriw tapsırması berilgen edi.

 Usı qarar orınlanıw barısında  “Ózbekbalıqsanaat” shólkemi hám de USAID dıń agrobiznesti rawajlandırıw joybarı sheńberinde sheriklik tiykarında aymaqlarda  treningler shólkemlestiriw rejelestirilgen. Úsh kún dawam etken ilajda balıqshılıq kárxanaları, studentler hám de joqarı oqıw orınları oqıtıwshıları qatnastı. Treningler Xorezm wálayatındaǵı “Umman  balıq”, Qaraqalpaqstan Respublıkasınıń “Ajayıp” hám de “Qaraqalpaqsanaat” balıqshılıq xojalıqlarında tarawdıń qánigeleri, Qaraqalpaqstan awıl xojalıǵı hám agrotexnologiyalar institutı hám de Samarqand veterinariya medicinası institutı Nókis filialı studentleri qatnasıwında bolıp ótti.

 Trening sońında úsh kún dawamında joybar qánigeleri ámeliy usınıslar beriw hám de joybar menen birge islewge tartıw maqsetinde Xorezm wálayatı hám Qaraqalpaqstan Respublikasında iskerlik júrgizip atırǵan qatar balıqshılıq xojalıqlarınıń jumısları  menen tanıstı hám olardıń mútajlikleri úyrenildi.

 Bes jılǵa mólsherlengen birge islesiwdegi umtılıslar  Ózbekstanda islep shıǵarılǵan ónimlerdiń qosımsha baha kórsetkishin asırıw, hayallar hám jaslardı qamtıp alıw, bilimlendiriw mákemeleriniń iskerligin jeke sektor talaplarına sáykeslestiriw hám de awıl xojalıǵı ushın qolay siyasiy qarar hám ilajlardıń engiziliwine kómeklesiwge qaratıladı.

 Derek: uza. uz

 Kanalǵa aǵza bolıń :

Qaraqalpaqstan Respublikası  veterinariya hám sharwashılıqtı rawajlandırıw  komiteti Málimleme xızmeti