Keseldi emlegennen kóre, aldın alǵan ábzal

Veterinariya hám sharwashılıqtı rawajlandırıw bólimi qánigeleri tárepinen haywanlardan adamǵa juǵıwshı keselliklerdiń tarqalıwınıń aldın alıw maqsetinde orınlarda úgit-násiyatlaw ilajları shólkemlestirilip atır.

Atap aytqanda, Qaraqalpaqstan Respublikası Veterinariya hám sharwashılıqtı rawajlandırıw komitetiniń qalalıq bòliminiń xızmetkerleri menen Qaraqalpaqstan Respublikası Ayrıqsha jaǵdaylar basqarması, “RKTMQJO”nıń medicina xızmetkerleri, Qaraqalpaqstan Respublikası Abadanlastırıw basqaraması hám Qaraqalpaqstan Respublikası Nòkis qalalıq sanitar epidemiologiyalıq stanciyası xızmetkerleri menen birgelikte “qutırıw” keselliginiń aldın alıw boınsha ilaj òtkerildi. Qutırıw keselliginiń birinshi juǵıw belgileri yaǵnıy iyt yaki pıshıq adamdı tislew arqalı juqqanda, oǵan kòrsetiletuǵın birinshi járdem, qutırǵan iytti tutiw hám onı tiyisli orınǵa jetkerip, baqlaw jaǵdayı bárshe-bárshesi tiyisli taraw qánigeleri tárpinen kòrsetilip berildi. “Qutırıw” kesellikleriniń kelip shıǵıwı hám oǵan qarsı gúres boyınsha túsindiriw hám úgit-násiyatlaw jumısları shólkemlestirilip, esletpe materialları tarqatıldı.