Shıpalı sút hám sút ónimleri

#másláhát

Shıpalı sút hám sút ónimleri (qatıq, súzbe, may, ayran, sır hám basqalar) insan ómiri ushın bahalı esaplanatuǵın shıpalı jemis hám dietalıq taǵamlar qatarına kiredi. Balalar, kekseler hám de nawqaslardıń awqatlanıwında sút ónimleriniń áhmiyeti júdá úlken. Olar quramında organizm ushın kerekli barlıq azıqlıq hám biologiyalıq aktiv zatlardıń bar ekenligi menen basqa barlıq azıq-awqat ónimlerinen parıq qıladı.

Súttiń quramı quramalı bolıp, onda 100 den artıq azıqlıq zatlar – may kislotaları, aminokislotalar, vitaminler, qant, túrli mineral duzlar, gormonlar hám basqalar bar.

Sút hám sút ónimleri túrli kesellikler, ásirese, júrek-qan tamır sisteması, bawır, asqazan astı bezi, ót jolları keselliklerinde, cistit penen awırǵan nawqaslardıń awqatlanıwında, jeńil sińetuǵın awqat talap yetiletuǵın keselliklerde de kóp ishiledi.